Kinaray-a News: Domestic flights ginapagabay para sa Antique airport

Kinaray-a News: Domestic flights ginapagabay para sa Antique airport

By Margie L. Gadian Monday 7th of May 2012

SAN JOSE, Antique, Mayo 7 (PIA) -- Sangka resolusyon ang gin pasar kang mga miembro kang Sangguniang Panlalawigan kang Antique nga nagapangabay kay Secretary Mar Roxas kang DOTC nga e rekomendar ang Evelio B. Javier airport nga agtonan kang lokal nga byahe kang mga eroplano.

Sa dokyumento naka sulat nga duro ka mga Antiqueño ang naga-byahe pa Manila kag balik pira ka beses sa sangka bulan para sa andang personal kag negosyo nga transaksyones warat liwan ka mga importante nga tinutuyo nga kinahanglan kang lagi-lagi nga aksyon.

Duhang pa nasulat sa dokyumento nga kon ilakip ang Antique sa destinasyon ka mga eroplano, dya makabulig man paugwad kang turismo sa probinsya kag makabulig pa dugang pangitan-an sa lugar.

Kon madumduman, may naga eksister nga airport sa Antique nga napakay-ad kag na improbar. Dya nakapasar man sa teknikal nga evaluation kag handa nga gamiton kang mga eroplano.

Kang tuig 2004. ang Asian Spirit kag Zestair naglupad-lupad man sa Antique dara ang mga pasahero halin Manila kag pabalik. Ugaring sa kakulang kang pasayro, dya nag-untat kang andang operasyon.

Ugaring tungod kang mga hitabo sa tulad, lakip ang pagsaylo kang Iloilo airport sa Cabatuan, nakatugro madalum nga pagpamensar sa mga taga Antique tungod kang kagastos sa pag-agto sa Cabatuan warat liwan ang kaawat kang tiempo sa pag byahe.

Tungod kadya, ang mga miembro kang SP nga gin pangunahan ni VG Rosie A. Dimamay nagpangabay sa tanan nga mga mayors sa probinsya lakip ang andang mga sakup, mga hepe ka mga opisina kag imaw ang mga negosyante nga sakdagon nanda ang byahe pa Manila kag pabalik ka mga eroplano nga dya kon pamatian ang andang pangabay. (JCM/MLG/PIA6-Antique)



CABATUAN INTERNATIONAL AIRPORT
Cabatuan, Iloilo, Philippines

Cabatuan.com - Timeline 2012